ԱՄՆ Կենտրոնական հետախուզական վարչությունը (ԿՀՎ) մշակել է համաշխարհային քաղաքական գործիչների վիրտուալ կլոններ՝ նրանց իրական գործընկերների պահվածքը կանխատեսելու համար։
Այս մասին գրում է The New York Times (NYT) թերթը։ Խոսքը արհեստական ինտելեկտի տեխնոլոգիաներ օգտագործող չաթբոտի մասին է, որը մշակվել է ԿՀՎ-ի կողմից վերջին երկու տարվա ընթացքում։ Օգտագործելով այս գործիքը՝ մասնագետները կարող են շփվել տարբեր երկրների պետությունների և կառավարությունների ղեկավարների թվային պատճենների հետ՝ նրանցից ստանալով իրենց հարցերի պատասխանները։
Ըստ NYT-ի՝ ԿՀՎ-ի առանցքային խնդիրներից է վերլուծել քաղաքական գործիչների վարքագիծն ամբողջ աշխարհում։ Ակնկալվում է, որ չաթբոտի օգտագործումը կհեշտացնի վերլուծաբանների աշխատանքը, ովքեր աշխատում են գաղտնի տեղեկատվության հետ և կանխատեսում իրական քաղաքական գործիչների գործողությունները։
ԿՀՎ-ի նոր ղեկավար Ջոն Ռեթքլիֆը հայտարարեց, որ գործակալության մտադրությունը բարելավելու և ընդլայնելու է նման տեխնիկական ծրագրերը, քանի որ «այն ազգը, որն այսօր հաղթում է զարգացող տեխնոլոգիաների մրցավազքում, վաղը կգերիշխի աշխարհը»:
