Իսրայելն ընդունեց պարտությունը և կապիտուլյացիայի ենթարկեց արմատական պաղեստինյան ՀԱՄԱՍ շարժմանը` համաձայնելով Գազայի հատվածում հրադադարի մասին համաձայնագրի կնքմանը: Նման կարծիք է հայտնել Իրանի զինված ուժերի գլխավոր շտաբի պետ, գեներալ-լեյտենանտ Մոհամմադ Բաղերին։
«Սիոնիստները խոստովանեցին, որ այլ ելք չունեն, քան հանձնվել և համաձայնվել հրադադարին, «Դիմադրության առանցքը» անդրդվելիորեն դիմակայեց այս փորձությանը և հրադադար պարտադրեց թշնամուն»,- Բաղերիի խոսքերն է մեջբերում Իրանի պաշտպանության նախարարության մամուլի ծառայությունը։
Իրանամետ Դիմադրության առանցքը ներառում է պաղեստինյան արմատական «Համաս» և «Իսլամական ջիհադ» խմբավորումները, լիբանանյան շիական «Հեզբոլլահ» կազմակերպությունը, Իրաքի իսլամական դիմադրության աշխարհազորը և Եմենի հութի ապստամբ շարժումը Անսար Ալլահը:
