Ռուսաստանի Դաշնության փոխվարչապետ Ալեքսեյ Օվերչուկը, համեմատելով Հայաստան-ԵԱՏՄ և Հայաստան-ԵՄ առևտրաշրջանառությունը, նշել է, որ Երեւանի առևտուրը ԵՄ-ի հետ մի քանի անգամ փոքր է, քան Եվրասիական տնտեսական միության (ԵԱՏՄ) հետ։
Այս մասին հայտնում է ՏԱՍՍ-ը՝ մեջբերելով ՌԴ փոխվարչապետի հայտարարությունը։«Եկել է 11 ամսվա թարմ վիճակագրություն՝ Ռուսաստանի և Հայաստանի միջև ապրանքաշրջանառությունը՝ 11,6 մլրդ դոլար, ԵԱՏՄ-ի հետ՝ մոտ 12 մլրդ դոլար։
Միևնույն ժամանակ, ԵՄ-ի հետ առևտուրը զգալիորեն պակաս է և նվազում է։ Ահա, թե ինչ են խոսում տնտեսությունը և իրականությունը»,- նշել է Օվերչուկը՝ մեկնաբանելով ՀՀ կառավարության կողմից ԵՄ անդամակցության գործընթաց սկսելու մասին որոշման նախագծի հաստատումը։
ՌԴ փոխվարչապետը նաև կարծիք է հայտնել, որ Եվրամիությանն անդամակցության գործընթաց սկսելու մասին օրենքի նախագծի նախաձեռնողները հիանալի հասկանում են, որ ԵՄ-ին անդամակցելը խիստ հիպոթետիկ բան է, և, իհարկե, չեն ցանկանում կորցնել իրենց ունեցած տնտեսական օգուտներն ու առավելությունները՝ հանդիսանալով ԵԱՏՄ անդամ երկիր։
