Խորվաթիայի ներկայիս նախագահ Զորան Միլանովիչը նախագահական ընտրությունների վերջին երկրորդ փուլի արդյունքներով ստանում է ձայների 74,68 տոկոսը՝ 100 տոկոս ընտրատեղամասերի տվյալները մշակելուց հետո։ Այս մասին հայտնում է հանրապետության Պետական ընտրական հանձնաժողովը (ՊԸՀ)։
Գերատեսչության տվյալներով՝ բոլոր 6755 ընտրատեղամասերից ստացված տվյալների համաձայն՝ Միլանովիչը հավաքում է 1 122 859 ձայն (74,68%)։
Անկախ թեկնածու Դրագան Պրիմորացը, որին աջակցում է իշխող Խորվաթիայի դեմոկրատական համագործակցությունը, ստանում է 380752 ձայն (25,32%)։ Ընտրողների մասնակցությունը կազմել է 44,18%:
Միլանովիչն անցած տարվա դեկտեմբերի 29-ին կայացած առաջին փուլում ստացել է ընտրողների 49,09%-ի աջակցությունը, նրա հիմնական մրցակից Պրիմորացին՝ 19,35%-ը։
