Բանգլադեշի արտաքին գործերի նախարարությունը կանչել է Հնդկաստանի դեսպան Պրնայ Վերմային՝ բողոքելու երկու երկրների սահմանի երկայնքով փշալարերի կառուցման դեմ։ Այս մասին հայտնում է Բանգլադեշի BSS լրատվական գործակալությունը։
Ինչպես պարզաբանել է Ժողովրդական Հանրապետության ժամանակավոր կառավարության ներքին գործերի նախարար Ջահանգիր Ալամ Չոուդհուրին, նախորդ կառավարության օրոք ստորագրված որոշ համաձայնագրերի պատճառով «մի շարք խնդիրներ առաջացան Բանգլադեշի և Հնդկաստանի սահմանի երկայնքով»։
Ինչպես պարզաբանել է Ժողովրդական Հանրապետության ժամանակավոր կառավարության ներքին գործերի նախարար Ջահանգիր Ալամ Չոուդհուրին, նախորդ կառավարության օրոք ստորագրված որոշ համաձայնագրերի պատճառով «մի շարք խնդիրներ առաջացան Բանգլադեշի և Հնդկաստանի սահմանի երկայնքով»։
«Սակայն մեր ժողովրդի և սահմանապահների ջանքերը ստիպել են Հնդկաստանին դադարեցնել որոշակի գործողություններ, այդ թվում՝ փշալարերի կառուցումը»,- ասել է նա։
Արտաքին գործերի նախարարությունում կայացած հանդիպումից հետո լրատվամիջոցների հետ զրույցում դեսպան Վերման ասել է, որ Դաքան և Նյու Դելին «համաձայնության են եկել անվտանգության նպատակներով սահմանը ցանկապատելու հարցում»։
«Մեր սահմանային գերատեսչությունները շարունակում են կապի մեջ մնալ այս հարցի շուրջ: Մենք ակնկալում ենք, որ այս փոխըմբռնումը կվերածվի գործի և կմշակվի համատեղ մոտեցում սահմանին հանցագործությունների դեմ պայքարում»,- հավելել է դեսպանը:
