Պարբերականների տեղեկատվությունը Մասկի՝ X սոցցանցում գրանցումը վճարովի դարձնելու մասին, պարզվում է, որ կեղծ էր։ Սա խոստովանել է X-ի օգտատերերից մեկը, ով հանդես է եկել՝ որպես աղբյուր, և միտումնավոր խաբել է լրագրող Քեյլի Հեյսին։
Ըստ նրա՝ ինքը կապվել է լրագրողի հետ ինսայդերական էլեկտրոնային հասցեի միջոցով, որը գտել է հրատարակության կայքում: Նամակագրության ընթացքում նա խոսել է X-ի գրասենյակը և աշխատակիցներին Սան Ֆրանցիսկոյից Տեխաս տեղափոխելու մասին, ովքեր համաձայն չէին այդ քայլին:
Կեղծ ինսայդերը պնդում էր, որ ինքը X-ի front-end ծրագրավորող է և ասում էր, որ իրեն աշխատանքից ազատել են այն բանի համար, որ հրաժարվել է աջակցել հրապարակումների ամսաթվերն ու ժամերը վճարովիի դարձնելուց:
Նա նաև հավելել է, որ նոր օգտատերերի գրանցման համար սոցցանցը նախատեսում է գանձել 8 դոլար։Երբ լրագրողը խնդրել է նրան տրամադրել հիմնավոր փաստաթղթեր, նա պատասխանել է, որ չգիտի, թե ինչպես դա անել: Հաջորդ օրը նա պարզել է, որ լրագրողը հոդված է հրապարակել իր հաղորդած կեղծ տեղեկություններով։
Օգտատերը բացատրել է, որ իր նպատակն է ցույց տալ, թե որքան միամիտ են լրատվամիջոցները, և որքան հեշտ է խաբել նրանց։Շուտով Իլոն Մասկը մեկնաբանել է գրառումը՝ ասելով. «Ահա ձեր ավանդական լրատվամիջոցը»:Ավելի վաղ, ինչպես հայտնել ենք, տեղեկություն էր տարածվել, որ Իլոն Մասկը մտադիր է վճարովի դարձնել X սոցցանցում գրանցումը։ Նշվում էր, որ X-ն այս քայլին դիմել է կեղծ աքաունթների ու բոտերի դեմ պայքարելու համար։
