Պանամայի նախագահ Խոսե Մուլինոն մասնավոր կերպով ասել է, որ կարող է դիմել ՄԱԿ-ի Անվտանգության խորհրդին, եթե ԱՄՆ նորընտիր նախագահ Դոնալդ Թրամփը շարունակի իր հռետորաբանությունը Կենտրոնական Ամերիկայի երկրի դեմ, գրում է Politico թերթը՝ վկայակոչելով Պանամայի նախկին առաջնորդ Էռնեստո Բալադարեսին։
Թրամփը ավելի վաղ ասել էր, որ արդեն քննարկումների մեջ է Պանամայի իշխանությունների հետ Պանամայի ջրանցքի հարցի շուրջ, որը մտադիր է վերադարձնել ԱՄՆ վերահսկողությանը։
Թրամփի խոսքով՝ Պանամայի իշխանությունները չափազանց մեծ մաքսատուրքեր են սահմանել ԱՄՆ ռազմածովային ուժերի նավերի վրա և խախտել են Վաշինգտոնի հետ «համաձայնագրի բոլոր կետերը»՝ ջրանցքի վերահսկողությունը նրանց փոխանցելուց հետո։ Բացի այդ, Թրամփի խոսքով՝ այս ռազմավարական ակտիվն այժմ վերահսկվում է Չինաստանի կողմից։
«Ինչպես Մուլինոն մասնավոր կերպով այս շաբաթ ասել է, եթե Թրամփը շարունակի սպառնալ իր երկրին, նա կարող է հարցը փոխանցել ՄԱԿ-ի Անվտանգության խորհրդին»,- գրում է թերթը՝ վկայակոչելով Balladares-ին։
