Վենեսուելայի նախագահ Նիկոլաս Մադուրոն երրորդ անգամ ստանձնել է պետության ղեկավարի պաշտոնը։ Այս մասին հայտնում է Heraldo թերթը, փոխանցում է Lenta–ն։
«Մադուրոն գտնվում է Կարակասի օրենսդիր շտաբում՝ երկրի առաջին տիկնոջ՝ Կիլիա Ֆլորեսի, գործադիր փոխնախագահ Դելսի Ռոդրիգեսի և խորհրդարանի խոսնակ Խորխե Ռոդրիգեսի ուղեկցությամբ»,- նշում է հրատարակությունը։
Մադուրոն նախագահ է դարձել անցյալ տարվա հուլիսի 28-ին կայացած ընտրություններից հետո։ Ընտրություններին գրանցվել էր տասը թեկնածու, այդ թվում՝ նախագահ Նիկոլաս Մադուրոն, ով ղեկավարում է 2013 թվականից ի վեր, և ընդդիմության հիմնական թեկնածու Էդմունդո Գոնսալես Ուրուտիան։ Մադուրոն ի վերջո հաղթեց՝ հավաքելով ձայների 51,2 տոկոսը։ Ընդ որում, նախագահի հակառակորդները հաղթող են ճանաչել Գոնսալեսին։
