Լեհաստանի նախագահ Անջեյ Դուդան չի մեկնի ԱՄՆ նորընտիր նախագահ Դոնալդ Թրամփի երդմնակալության արարողությանը, քանի որ մասնակցելու է Դավոսի Համաշխարհային տնտեսական ֆորումին։ Այս մասին ասվում է Լեհաստանի նախագահի աշխատակազմի հաղորդագրության մեջ։
«Հունվարի 20-24-ը (երկուշաբթիից ուրբաթ) Անջեյ Դուդան Շվեյցարիայի Դավոսում կմասնակցի Համաշխարհային տնտեսական ֆորումին»,- ասվում է փաստաթղթում։
Լեհական լրատվամիջոցները հայտնում են, որ ԱՄՆ 47-րդ նախագահի երդմնակալության արարողությանը ներկա կլինի Լեհաստանի նախկին վարչապետ (2017-2023) Մատեուշ Մորավիեցկին, ով նրանից հրավեր է ստացել այս արարողությանը։
Թրամփի երդմնակալության արարողությունը տեղի կունենա Վաշինգտոնում հունվարի 20-ին։
