Բելառուսի նախագահական ընտրություններում ԱՊՀ դիտորդական առաքելության ավելի քան 300 անդամներ հավատարմագրվել են։ Այս մասին հայտարարել է առաքելության շտաբի ղեկավար, Համագործակցության գլխավոր քարտուղարի առաջին տեղակալ Լեոնիդ Անֆիմովը։
«Արդեն հավատարմագրված է ԱՊՀ-ի խոշոր առաքելություն», - մեջբերում է Բելտա գործակալությունը։ ԱՊՀ գլխավոր քարտուղարի առաջին տեղակալը պարզաբանել է, որ առաքելության կազմում ընդգրկված են 40 երկարաժամկետ դիտորդներ։ «Իրականում նրանք ներկայացնում են առաքելության շտաբը», - ավելացրել է նա:
Անֆիմովի խոսքով՝ առաջիկա ընտրությունները մեծ հետաքրքրություն են ներկայացնում ԱՊՀ երկրների համար՝ հաշվի առնելով Բելառուսի իմիջը միջազգային ասպարեզում։
