Առողջապահության նախարարությունը, պարզվում է, արձագանքել է Euromedia24.com- ի տեղեկատվությանը՝ նախարարության կուտակած խայտառակ պարտքերի մասին, որը լրատվամիջոցին տրամադրվել է տարբեր աղբյուրներից։ Խոսքը շուրջ 940 մլն դրամին հասնող պետպատվերի՝ պետության չմարած ծախսերի մասին է , իսկ պարտքերը կուտակվել են մարզային և երևանյան մի քանի խոշոր հիվանդանոցներում, այն պատճառով, որ 2024 թվականի բյուջեով իջեցված պետպատվերի միջոցները սպառվել էին ժամանակից շուտ, իսկ հիվանդանոցները շարունակել էին ծառայություն մատուցել քաղաքացիներին, նախարարի տված օֆերտայի պատուհանի միջոցով՝ այն է «նիսյա» բուժել, իսկ հետագայում ներկայացված ծախսերի հիման վրա էլ ստանալ առողջապահության նախարարությունից փոխհատուցում։
ԱՆ-Ն ըստ էության չի հերիքել Euromedia24.com-ի հրապարակած տեղեկատվությունը, ավելին հաստատել է, որ կան չվճարված ծախսեր, բայց խուսափել է նշել հիվանդանոցներում չմարած պարտքի չափը և խուսափել է հրապարակել ոչ լավ վիճակում հայտնված հիվանդնոցների ցանկը։ Փոխարենը ԱՆ-Ն իր տված պարզաբանման մեջ զգուշորեն ակնկարել է, որ դեկտեմբերի 15-ի դրությամբ չի ունեցել պարտքեր, դրանից հետո 2024 թվականի դեկտեմբերի 15-ով այո կա ավելացված և իբր չնախատեսված մեծ ծախս, ինչը դեռ պիտի ճշգրտվի ըստ կատարողականի, հետո նոր վճարում իրականացվի անորոշ ապագայում։
Ընդգծում ենք նախարարությունը չի հերքել պարտքերի մասին լուրը, խուսափել է պարզաբանում տալ արդյո՞ք ճիշտ է, որ միջնորդավորված փորձում են նվազ պարտքեր ցույց տալ, որպեսզի աղմուկ չբարձրանա և Առողջապահության նախարարությունը հրաժարվել է ի վերջո նաև հրապարակել հիվանդանոցների անունները որոնք տարին սկսել են պարտքերով։ Մենք դիմել ենք նախարարությանը մեր բոլոր հարցերի սպառիչ պատասխանները ստանալու համար այդ թվում՝ թե ինչու՞ են տարբեր աղբյուրներ շրջանառվում պարտքերի մասին հանցավոր գործարք առաջարկվում հիվանդանոցների տնօրեններին 2025 թվականի պետպատվերի իջեցումից առաջ և եթե հերքվում է, ապա ինչու՞ է աղբյուր շրջանառվում պարտքերի մասին։ Հուսանք կստանանք պատշաճ պարզաբանում և կհրապարակենք ամբողջությամբ:
