Մրցունակ և էկոլոգիապես մաքուր ռուսական էներգակիրների մատակարարումների դադարեցումը ոչ միայն թուլացնում է Եվրոպայի տնտեսական ներուժը, այլև խիստ բացասաբար է անդրադառնում եվրոպացի քաղաքացիների կենսամակարդակի վրա։
Այս մասին ասվում է ՌԴ ԱԳՆ պաշտոնական ներկայացուցիչ Մարիա Զախարովայի մեկնաբանության մեջ՝ Ուկրաինայի տարածքով ռուսական գազի տարանցման դադարեցման վերաբերյալ։
Ըստ Զախարովայի՝ էներգետիկ շուկայի վերաբաշխման հիմնական շահառուն և ուկրաինական ճգնաժամի գլխավոր հովանավորը ԱՄՆ-ն է։«Այս գիշատիչ ռազմավարության առաջին զոհը դարձավ եվրոպական խոշորագույն տնտեսությունը՝ Գերմանիան։
«Հյուսիսային հոսք» և «Հյուսիսային հոսք 2» գազատարների պայթյունից հետո նա ստիպված եղավ գազ գնել զգալիորեն բարձր գներով և կրճատել իր խոշորագույն արտադրական օբյեկտների աշխատանքը։Եվ Եվրամիության մյուս երկրները, որոնք նախկինում հաջողակ և տնտեսապես անկախ էին, նույնպես կվճարեն ամերիկյան հովանավորության իրենց գինը»,- ասվում է մեկնաբանության մեջ։
Զախարովան նշել է, որ ռուսական գազի մատակարարումը դադարեցնելու պատասխանատվությունն ամբողջությամբ կրում է ԱՄՆ-ը, Ուկրաինան, ինչպես նաև եվրոպական պետությունների իշխանությունները, որոնք զոհաբերել են իրենց քաղաքացիների բարեկեցությունը՝ հանուն ամերիկյան տնտեսության ֆինանսական աջակցության։
