Ադրբեջանի առողջապահության նախարարությունը հինգշաբթի հրապարակել է երկրի քաղաքացիների ցուցակը, ովքեր մահացել են Ակտաուի մերձակայքում «Ադրբեջանական ավիաուղիներ»-ի ինքնաթիռի կործանման հետևանքով։
«Հրապարակվել է Ակտաու քաղաքում Բաքու-Գրոզնի թիվ J2-8243 չվերթն իրականացնող ադրբեջանական Embraer 190 ինքնաթիռի կործանման հետևանքով մահացած ուղևորների և անձնակազմի անդամների ցուցակը»,- ասվում է հաղորդագրության մեջ։
Ադրբեջանի 25 զոհված քաղաքացիների ցուցակում 19 տղամարդ և 6 կին է։ Նրանցից ամենափոքրը 19 տարեկան էր։
Գերատեսչությունը հավելել է, որ զոհերից մի քանիսի ինքնությունը պարզելու ուղղությամբ աշխատանքները շարունակվում են։
