ԱՄՆ նախագահ Ջո Բայդենը հրամայել է Պենտագոնին ավելի շատ զենք տրամադրել Ուկրաինային Սուրբ Ծննդյան օրը ռուսական հրթիռային հարձակումից հետո, գրում է The White House-ը։«Սուրբ Ծննդյան առաջին ժամերին Ռուսաստանը հրթիռների և անօդաչու թռչող սարքերի ալիքներ արձակեց ուկրաինական քաղաքների և կարևոր էներգետիկ ենթակառուցվածքների դեմ:
Այս աղաղակող հարձակման նպատակն էր ձմռանը կտրել Ուկրաինայի բնակչությանը ջերմության և էլեկտրաէներգիայի հասանելիությունը և վտանգի ենթարկել նրա ցանցի անվտանգությունը», ասել է Բայդենը:
Նրա խոսքով, վերջին ամիսներին ԱՄՆ-ն Ուկրաինային տրամադրել է ՀՕՊ-ի հարյուրավոր հրթիռներ «և ավելին ճանապարհին են»։ Նա հավելել է, որ Վաշինգտոնը և միջազգային հանրությունը պետք է աջակցի Ուկրաինային, քանի դեռ նա չի տապալել ռուսական ագրեսիան։
«Ուկրաինացի ժողովուրդն արժանի է ապրել խաղաղության և անվտանգության մեջ», ընդգծել է Բայդենը։
