Պերուի իշխանությունները Տալարա նահանգի ափամերձ գոտու մեծ մասը հայտարարել են բնապահպանական աղետի գոտի՝ նավթի արտահոսքի պատճառով։ Այս մասին հայտնում է երկրի շրջակա միջավայրի պահպանության նախարարությունը։
«Նախարարությունը 90 օր ժամկետով հայտարարում է բնապահպանական արտակարգ իրավիճակ Թալարա նահանգի մի մասում և հաստատում է գործողությունների անհապաղ և կարճաժամկետ ծրագիրը», - ասվում է գերատեսչության հաղորդագրության մեջ:
Նավթի արտահոսքը տեղի է ունեցել դեկտեմբերի 20-ին Թալարա քաղաքի նավթավերամշակման գործարանում: Իշխանությունների տվյալներով՝ տուժել է մոտ 10 հազար քառակուսի մետր ջրային տարածք։ Պերուի դատախազությունը հետաքննություն է սկսել Petroperu նավթային ընկերության նկատմամբ։
Իշխանությունները մասնագետներ են ուղարկել արտահոսքի հետևանքով տուժած լողափեր՝ տուժած կենդանական աշխարհը փրկելու համար: Մասնավորապես, այս տարածքում ապրում են ձիթապտղի կրիաները, որոնք խոցելի տեսակ են:
