Ղազախստանում ավիավթարից հրաշքով փրկված, Վլադիվոստոկից տուրօպերատոր Քրիստինա Եվստիգնեևան մանրամասներ է պատմել ավիավթարի մասին։ Նրա խոսքով՝ ինքնաթիռի վայրէջքից հետո երկու հարված է եղել՝ օդանավի աջ հատվածը պոկվել է, իսկ դիմացի մասը՝ պայթել։
«Երբ մենք վայրէջք կատարեցինք, երկու հարված եղավ։ Ես բռնվեցի աթոռից։ Ամբողջ աջ կողմը պոկվել է։ Ճակատային հատվածը պայթել է»,- պատմել է Քրիստինա Եվստիգնեեւան։ Նա նշել է, որ ընկնելուց առաջ ինքնաթիռը մոտ մեկ ժամ պտտվել է երկնքում, բորտուղեկցորդուհին զգուշացրել է մոտալուտ կոշտ վայրէջքի մասին։ Անկումի պահին Եվստիգնեևան զգացել է հարվածը, որ նման էր շարժիչի մեջ թռչուն ընկնելուն։Վթարից հետո տուրօպերատորն ինքնուրույն լքել է սրահը և հոսպիտալացվել։
