Շվեյցարիայի իշխանությունները որոշել են միանալ Ռուսաստանի Դաշնության դեմ դեկտեմբերի 16-ին ԵՄ կողմից ընդունված պատժամիջոցների 15-րդ փաթեթին, ինչպես նաև Բելառուսի դեմ ուղղված միջոցառումներին, երկուշաբթի հաղորդում է շվեյցարական կառավարության կայքը։
«Շվեյցարիայի էկոնոմիկայի, կրթության և գիտության նախարարությունն իր պատժամիջոցների շրջանակներում ընդլայնել է պատժամիջոցների ցուցակները Ռուսաստանի և Բելառուսի համար։ Այսպիսով, Շվեյցարիան ընդունել է ԵՄ նոր պատժամիջոցները։
Շվեյցարիայի իշխանությունների որոշումն ուժի մեջ կմտնի դեկտեմբերի 24-ից։
«Բացի այդ, նախարարությունն ընդունել է անհատական ֆինանսական պատժամիջոցները, որոնք ԵՄ-ն սահմանել է Բելառուսի դեմ՝ որպես բելառուսական ռեժիմի դեմ այդ երկրում տիրող իրավիճակի հետ կապված իր միջոցների մաս»,- ասվում է մամուլի հաղորդագրության մեջ։
Եվրամիությունն անցած երկուշաբթի հրապարակեց պատժամիջոցների 15-րդ փաթեթը։ Մասնավորապես, այն սահմանափակող միջոցներ է նախատեսում նավթ և LNG փոխադրող մի շարք լցանավերի նկատմամբ։ Բացի այդ, ԵՄ-ն թարմացրել է իր պատժամիջոցների ցուցակները՝ ավելացնելով տասնյակ ֆիզիկական և իրավաբանական անձանց:
