ԱՄՆ Պետդեպարտամենտը խորհուրդ է տվել ամերիկացի քաղաքացիներին չայցելել Բելառուս, իսկ երկրում գտնվողներին անհապաղ հեռանալ։ Այս մասին հայտնում է ԱՄՆ Պետդեպարտամենտի մամուլի ծառայությունը։
«Մի այցելեք Բելառուս: Բելառուսում գտնվող ԱՄՆ քաղաքացիները պետք է անհապաղ լքեն երկիրը»,- ասվում է հայտարարության մեջ։
Բելառուս այցելելու վտանգի պատճառների թվում են «բելառուսական իշխանությունների կողմից տեղական օրենքների կամայական կիրառումը, կալանավորման վտանգը», Բելառուսի աջակցությունը Ռուսաստանին Ուկրաինայի հետ հակամարտությունում, ինչպես նաև հնարավոր փողոցային անկարգությունները և սահմանափակ հնարավորությունները։
