Ֆիլիպինների իշխանությունները բանակցություններ են վարում ԱՄՆ-ի հետ ամերիկյան միջին հեռահարության հրթիռային համակարգերի ձեռքբերման շուրջ։ Այս մասին հայտարարել է Ֆիլիպինների բանակի հրամանատար Ռոյ Գալիդոն։
«Այո, կան նման ծրագրեր, բանակցությունները շարունակվում են»,-նրա խոսքերը մեջբերել է ABS-CBN News հեռուստաալիքը:
«Արշիպելագի համապարփակ պաշտպանության մեր հայեցակարգը պահանջում է, որ մենք կարողանանք պաշտպանել երկրի շահերը, իսկ երկրի շահերը 200 ծովային մղոնանոց մեր բացառիկ տնտեսական գոտին է»,- հավելել է նա՝ նշելով, որ նման համալիրների առկայությունը թույլ կտա օգնել ամրապնդել երկրի կարողությունը պաշտպանելու իր ինքնիշխանությունը:
Գալիդոն տեղեկացրել է նաև, որ զենքի մատակարարումը կտևի առնվազն երկու տարի ԱՄՆ Կոնգրեսի կողմից բյուջեի հաստատումից հետո։ Ֆիլիպինների բանակի հրամանատարը չի նշել համալիրների ճշգրիտ թիվը և անվանումը, որոնք Մանիլան պատրաստվում է գնել։
