Ուկրաինայի Զինված ուժերը փորձում են հարձակվել Դոնեցկի վրա հեռահար հրթիռներով, քաղաքում գործում է հակաօդային պաշտպանության համակարգ: Այս մասին հայտնում է ՏԱՍՍ-ը՝ օպերատիվ ծառայություններին հղումով։
Նշվում է, որ հակաօդային պաշտպանության համակարգերին հաջողվել է խոցել հակառակորդի առնվազն վեց օդային թիրախ, և հարձակումը շարունակվում է։
Գործակալության թղթակցի փոխանցմամբ՝ քաղաքի վրա, այդ թվում՝ կենտրոնական հատվածում, տեղի է ունեցել մոտ վեց պայթյուն։
Դեկտեմբերի 21-ին հաղորդվել է, որ Դոնեցկի Կույբիշևսկի շրջանում էլեկտրոնային պատերազմի համակարգը քաղաքային էլեկտրական ենթակայանի մոտ որսացել է Ուկրաինայի զինված ուժերի գրոհային անօդաչու թռչող սարք։
