Իրանի գերագույն առաջնորդ այաթոլլա Ալի Խամենեին հայտարարել է, որ Իսրայելը կոչնչացվի։ Նրա խոսքով, դա տեղի կունենա իրանական «Դիմադրության առանցքի» մասնակցությամբ։
«Իրանը տարածաշրջանում չունի իր վստահված ուժերը։ Եմենը, լիբանանյան շիական կազմակերպությունը, «Հըզբոլլահը», պաղեստինյան խմբավորումները, ՀԱՄԱՍ-ը և Իսլամական ջիհադը պայքարում են իրենց հավատքի համար և մեզանից ոչ մի աջակցություն չեն ստանում։ Եմենի քաջերը. Իրաքը, Լիբանանը, Պաղեստինը և Սիրիան ընդդիմանում են Սիոնիստական ռեժիմին: Մենք կկործանենք այս ռեժիմը»,-նրա խոսքերն է մեջբերում Խամենեիի մամուլի ծառայությունը։
Իրանական «Դիմադրության առանցքը» իր գլխավոր նպատակն է համարում Պաղեստինի ազատագրումն իսրայելական օկուպացիայից։ «Դիմադրության առանցքը» ներառում է «Հըզբոլլահը», ՀԱՄԱՍ-ը, Իսլամական Ջիհադը, Իրաքի իսլամական դիմադրությունը և Եմենի հութի ապստամբ Անսար Ալլահը: Մինչ Սիրիայում զինված ընդդիմության կողմից իշխանության զավթումը, Արաբական Հանրապետության իշխանությունները՝ նախագահ Բաշար ալ Ասադի գլխավորությամբ, աջակցում էին «Դիմադրության առանցքին»։
