Հարավային Կորեայի նախագահ Յուն Սեոկ Յոլը, ում լիազորությունները կասեցվել էին խորհրդարանում իմփիչմենթի արդյունքում, չի ներկայացել հակակոռուպցիոն հետաքննության վարչության կողմից խռովության գործով բարձրաստիճան պաշտոնյաների հարցաքննությանը։
Այս մասին հայտնում է Yonhap գործակալությունը։ Ենթադրվում էր, որ Յուն Սեոկ Յոլը Գվաչոնում գտնվող կառավարական համալիր պետք է ժամաներ տեղական ժամանակով ժամը 10:00-ին:
Նախկինում միացյալ քննչական խումբն իր ներկայացուցիչների միջոցով փորձել է հարցաքննության ծանուցումներ ներկայացնել նախագահի աշխատակազմում և նրա նստավայրում և իր պահանջն ուղարկել փոստով։
Նախագահի քարտուղարությունն ու անվտանգության ծառայությունը հրաժարվել են ընդունել նրանց՝ նշելով, որ դա իրենց լիազորությունների մեջ չէ։
Հակակոռուպցիոն հետաքննության դեպարտամենտի ղեկավար Օ Դոնգ-Վունգը երեքշաբթի ասել է, որ ծանուցումները դիտավորյալ չեն տրվել, և որ իրավապահները կգործեն օրենքին համապատասխան:
Գերատեսչությունը քննարկում էր, թե այս իրավիճակում հնարավո՞ր է նախագահին ձերբակալելու օրդեր պահանջել։
