ԱՄՆ-ն առնչություն չունի ՌԴ Քիմիական պաշտպանության ուժերի ղեկավար, գեներալ-լեյտենանտ Իգոր Կիրիլովի սպանության հետ։ Այս մասին հայտնում է РИА Новости-ն՝ հղում անելով ԱՄՆ Պետդեպարտամենտի ներկայացուցիչ Մեթյու Միլլերի պաշտոնական հայտարարությանը։
«Ես կարող եմ ձեզ ասել, որ Միացյալ Նահանգները նախկինում չգիտեր այս մասին և ներգրավված չէր դրանում», - ասել է Միլլերը:
Մինչ այս, ՌԻԱ Նովոստին, վկայակոչելով AFP-ն, հայտնել էր, որ ԱՄՆ-ը հերքում է Վաշինգտոնի մասնակցությունը միջադեպին։
Հիշեցնենք, որ այսօր առավոտյան հաղորդվեց, որ Մոսկվայի Ռյազանսկի պողոտայում պայթյուն է որոտացել, կա երկու զոհ։ Ռուսական տելեգրամյան ալիքները գրեցին, որ մահացածների թվում է նաև Ռուսաստանի Զինված ուժերի Ռադիացիոն, քիմիական և կենսաբանական պաշտպանության զորքերի պետ, գեներալ-լեյտենանտ Իգոր Կիրիլովը։ ՌԴ Քննչական կոմիտեն հաստատեց տեղեկությունը՝ նշելով, որ մահացել է նաև 54-ամյա Կիրիլովի օգնականը։
