Իսրայելը և պաղեստինյան ՀԱՄԱՍ շարժումը առաջընթաց են գրանցել Գազայի հատվածի ճգնաժամի կարգավորման բանակցություններում, սակայն իսրայելցի պատանդների թիվը, որոնք պետք է ազատ արձակվեն գործարքի սկզբնական փուլում, դեռ համաձայնեցված չեն, հաղորդում է Ynet պորտալը, վկայակոչելով ՀԱՄԱՍ-ի իրազեկ աղբյուրը։
«Բանակցություններում աննախադեպ առաջընթաց է գրանցվել, սակայն վերջնական որոշումը մնում է Նեթանյահուինը», - պորտալը մեջբերում է պաղեստինյան շարժման աղբյուրի խոսքերը:
Նշվում է, որ այս փուլում կողմերի անհամաձայնության պատճառներից մեկը պատանդների թիվն ու կոնկրետ անուններն են, որոնց ՀԱՄԱՍ-ը պետք է ազատ արձակի։ Իսրայելը պահանջում է, որ գործարքի շրջանակներում ավելի շատ պատանդներ ազատ արձակվեն, քան առաջարկում են պաղեստինցիները:
