Ճապոնիայի Կիտակյուշո քաղաքի McDonald's ռեստորանում անհայտ անձը դանակով հարձակվել է դպրոցականների վրա: Արդյունքում 15-ամյա աղջիկ է մահացել, ևս մեկ դպրոցական հոսպիտալացվել է։ Այս մասին հայտնում է Kyodo-ն։ Ըստ քննիչների՝ երեկոյան հարձակվողը մտել է տարածք և, ոչինչ չասելով, դանակահարել է մի քանի երեխաների, ովքեր հերթ էին կանգնել դրամարկղի դիմաց։
Դրանից հետո նա անմիջապես փախել է հանցագործության վայրից, մինչդեռ դեմքը ծածկված չի եղել, ոստիկանները փնտրում են հարձակվողին։
Հարձակումից փրկված դպրոցականը պատմել է, որ նախկինում երբեք չի տեսել հանցագործին։ Կիտակյուշոի դպրոցներում և մանկապարտեզներում բոլոր արտադպրոցական խմբակներն ու միջոցառումները չեղարկվել են։
