Իսրայելի ռազմաօդային ուժերի կործանիչները և ռազմածովային ուժերի նավերը վերջին ժամերին հրթիռային հարվածներ են հասցրել սիրիական հակաօդային պաշտպանության 12 մարտկոցների և վաղ նախազգուշացման ռադարների վրա։ Այս մասին հայտնել է Al Mayadeen հեռուստաալիքը։
Նրա խոսքով՝ իսրայելական ինքնաթիռները ռազմական օբյեկտների վրա հարձակվել են հիմնականում երկրի ափամերձ շրջաններում՝ Տարտուսի եւ Լաթաքիայի միջեւ։
Բացի այդ, օդային հարվածներ են հասցվել սիրիական բանակի զինամթերքի պահեստներին, որոնք գտնվում են Տարտուս քաղաքից արեւելք (Դամասկոսից 220 կմ հեռավորության վրա): Ականատեսները հայտնել են ռմբակոծված տարածքներում ուժեղ պայթյունների մասին։
Al Mayadeen-ի փոխանցմամբ՝ հարձակման հետեւանքով կան զոհեր եւ վիրավորներ, նրանց թիվը ճշտվում է։
