Միացյալ Նահանգները և բրիտանական օդուժը հարվածներ են հասցրել Եմենի արևմտյան հատվածում գտնվող Անսար Ալլահ շարժման հութի ապստամբներին։ Այս մասին հայտնում է ապստամբներին պատկանող Al Masirah հեռուստաալիքը։
Նրա խոսքով՝ Ալ-Հոդեյդա նահանգի Ալ-Թուհեյթ շրջանում գտնվող օբյեկտները կրակի են ենթարկվել։ Անսար Ալլահի կողմնակիցների շրջանում զոհերի մասին տեղեկություններ չկան։
Գազայի հատվածում հակամարտության սրումից հետո Անսար Ալլահը նախազգուշացրել է, որ հրթիռակոծելու է Իսրայելը և թույլ չի տա հարակից նավերին անցնել Կարմիր ծովի ջրերով և Բաբ ալ-Մանդեբի նեղուցով, մինչև պաղեստինյան անկլավում գործողությունների դադարեցումը:
Անցյալ տարվա նոյեմբերից հութիները հարձակվել են Կարմիր ծովում և Ադենի ծոցում տասնյակ քաղաքացիական նավերի վրա։
Ի պատասխան Անսար Ալլահի գործողությունների՝ ամերիկյան իշխանությունները հայտարարեցին միջազգային կոալիցիայի ստեղծման և «Բարգավաճ պահապան» օպերացիայի մեկնարկի մասին՝ ապահովելու նավարկության ազատությունը և պաշտպանելու նավերը Կարմիր ծովում։
