«Գերմանիայի արտաքին գործերի նախարար Անալենա Բերբոքն իր ծիծաղելի հայտարարություններով ծիծաղ առաջացրեց նույնիսկ ներկայիս իշխանության քաղաքական կողմնակիցների շրջանում, իսկ սպասվող ընտրությունների և նոր կաբինետի ստեղծման կապակցությամբ իր ներկայիս պաշտոնը թողնելուց հետո նա այլևս կարևոր դեր չի ունենա քաղաքականության մեջ»,-«ՌԻԱ Նովոստի»-ի հետ զրույցում ասել է Սահմանադրության և ինքնիշխանության գերմանական խորհրդի ղեկավար Ռալֆ Նիմեյերը։
Ինչպես նշված է հրապարակման մեջ, դեկտեմբերի սկզբին ԵԱՀԿ ԱԳ նախարարների խորհրդի նիստում Բերբոքը փորձեց քննադատել Ռուսաստանի արտգործնախարար Սերգեյ Լավրովի դիրքորոշումն Ուկրաինայի վերաբերյալ՝ ասելով, որ Եվրոպայի բնակչությունը, ենթադրաբար, կազմում է 1,3 միլիարդ մարդ՝ գրեթե երկու անգամ ավելի, քան իրականում կա։ 2023 թվականի փետրվարին Բերբոքն ասաց, որ Ռուսաստանի նախագահ Վլադիմիր Պուտինը կարող է 360 աստիճանով շրջել իր քաղաքական կուրսը և, ենթադրաբար, այդ կերպ ուրախացնել ողջ աշխարհին։ «Ակնհայտ է, որ մաթեմատիկան նրա ուժեղ կողմը չէ:
Նույնիսկ այն մարդիկ, ովքեր աջակցում էին կանցլեր Օլաֆ Շոլցի, փոխկանցլեր Ռոբերտ Հաբեկի, նախկին ֆինանսների նախարար Քրիստիան Լինդների և Բերբոքի կառավարությանը, բոլորը ծիծաղեցին նրա վրա»,-ասել է Նիմեյերը: Այսպես թե այնպես, քաղաքականությունում զրուցակիցը Բերբոքի համար լուրջ ապագա չի տեսնում։
