Գիշերը Սիրիայից Լիբանան մտնող բեռնատարների շարասյանը հասցված հարվածների հետևանքով 5 մարդ է զոհվել, այդ թվում՝ 3 սիրիացի, որոնք աշխատում էին «Հեզբոլլահ»-ի հետ։ «Արմենպրես»-ի փոխանցմամբ՝ Al Hadath պարբերականը գրում է, որ հարվածները հասցրել են Իսրայելի զինված ուժերը։Մարդու իրավունքների սիրիական դիտարան իրավապաշտպան կազմակերպությունը հայտնել է, որ իսրայելական ուժերը թիրախավորել են բեռնատարները Քուսեյրի շրջանում։ Բացի 5 զոհերից, կան նաև 5 վիրավոր, 2 անհետ կորած։Al Hadath-ը նաև հայտնում է, որ ըստ ռազմական աղբյուրներից մեկի՝ Իսրայելի ռազմաօդային ուժերն 9 հրթիռ են արձակել Լիբանանի հյուսիս-արևելքի Հերմելի շրջանում գտնվող նավթամբարների վրա, որի հետևանքով զոհվել է «Հեզբոլլահ»-ի առնվազն 3 մարտիկ։Իր հերթին «Հեզբոլլահ»-ը հայտնել է, որ հակաօդային պաշտպանության համակարգերը կրակ են բացել Իսրայելի ռազմաօդային ուժերի ինքնաթիռի վրա, որը ներխուժել է Լիբանանի օդային տարածք, և նրան ստիպել են հետ շրջվել դեպի սահմանը։Հունիսի 10-ին «Հեզբոլլահ»-ը հայտնել էր, որ Լիբանանի հարավում խոցել է իսրայելական Hermes-900 հարվածային և հետախուզական անօդաչու թռչող սարք։
Իսրայելի ռազմաօդային ուժերը և «Հեզբոլլահ»-ը փոխադարձ հարվածներ են հասցրել միմյանց դիրքերին
11.06.2024 14:12 |
Կատեգորիա
Համաշխարհային
