Մեծ Բրիտանիայում երկրորդ շաբաթն է, ինչ գրանցվում են անօդաչու թռչող սարքերի թռիչքներ ԱՄՆ ավիաբազաների վրայով, որտեղ տեղակայված են ռազմաօդային ուժերի ինքնաթիռները, հայտնում է ամերիկյան The War Zone հրատարակությունը՝ հղում անելով ԱՄՆ զինված ուժերին։
ԸստԱՄՆ զինված ուժերի՝ դրանք սիրողական դրոններ չեն։
Նոյեմբերի 20-ից փոքր անօդաչու թռչող սարքեր են նկատվել RAF Lakenheath, RAF Mildenhall և RAF Feltwell ավիաբազաներում և շրջակայքում, դրանց համակարգերը «տարբերվում են չափերով և կոնֆիգուրացիայով», նշել են ԱՄՆ ռազմաօդային ուժերը:
Ներկայումս Fairford Air Force Base-ում տեղակայված է ամերիկյան B-52H Stratofortress ռազմավարական ռմբակոծիչների աշխատանքային խումբը, որոնք թռչում են Հյուսիսային Եվրոպայում: ԱՄՆ ռազմաօդային ուժերի RC-135 ռազմավարական հետախուզական ինքնաթիռները տեղակայված են RAF Mildenhall-ում, իսկ F-15 և F-35 կործանիչները՝ RAF Lakenheath-ում։
