Գերմանիայի նախկին կանցլեր Անգելա Մերկելը (պաշտոնավարել է 2005-2021 թվականներին) ասել է, որ կարոտում է որոշ քաղաքական գործիչների, այդ թվում՝ Ֆրանսիայի նախագահ Էմանուել Մակրոնին:
«Ես չեմ կարոտում քաղաքական գործիչ լինելը: Ես 16 տարի կանցլեր եմ եղել, և դա ավելի քան բավարար է: Բայց այն, ինչ ես իսկապես կարոտում եմ, հանդիպելն է որոշ մարդկանց, այդ թվում՝ նախագահ Մակրոնին», - ասել է նա ֆրանսիական Le Point ամսագրին տված հարցազրույցում։
Խոսելով ԱՄՆ նախկին և ապագա նախագահ Դոնալդ Թրամփի մասին՝ Մերկելն ասել է, որ նրա մոտեցումը «հաճախ հակասական է»։ Նախկին կանցլերը հիշում է, որ ինքը ստիպված է եղել «մեծ ջանքեր գործադրել Գերմանիայի շահերը պաշտպանելու համար», և Թրամփի հետ աշխատելը «հաճախ սթրեսային է եղել»։
