Եվրոպական երկրները չեն կարողանա լրացնել ուկրաինացի զինվորականների շրջանում սպառազինության պակասը, եթե ամերիկյան նոր վարչակազմը հրաժարվի Կիևին ռազմական օգնություն տրամադրել։ Bloomberg-ն այս գնահատականն է տվել չորեքշաբթի օրը։
Ուկրաինական զինված ուժերը ծայրահեղ կախվածության մեջ են ԱՄՆ-ից փոքր զենքի և հրետանային զինամթերքի մատակարարումների հարցում, գրում է թերթը։ Ռուսաստանն ավելի շատ հրետանային արկ է արտադրում, քան եվրոպական բոլոր երկրները միասին վերցրած, ընդգծում է գործակալությունը։
Դոնալդ Թրամփի ընտրություններում հաղթանակը, ինչպես նշվում է, կարող է դառնալ «վատագույն սցենար» եվրոպական երկրների համար, ըստ որի՝ նրանք ստիպված կլինեն ոչ միայն պատասխանատվություն կրել սեփական անվտանգության համար, այլև ռազմական օգնություն ցուցաբերել Ուկրաինային՝ առանց Վաշինգտոնի աջակցության։
Եվրոպական մայրաքաղաքները գիտակցում են, որ ոչ մի քայլ նրանց «տեսանելի ապագայում թույլ չի տա խաղալ Կիևի համար նույն դերը», որը ներկայումս վերապահված է Միացյալ Նահանգներին ռազմական օգնության ծավալի առումով։
