Իսրայելը կփորձի բողոքարկել վարչապետ Բենիամին Նեթանյահուի և պաշտպանության նախկին նախարար Յոավ Գալանտի դեմ Միջազգային քրեական դատարանի կողմից տրված ձերբակալության հրամանագրերը, հայտնել են վարչապետի գրասենյակից։
«Այսօր Իսրայելը ՄՔԴ ( Միջազգային քրեական դատարան) որոշումը բողոքարկելու մտադրության մասին հայտարարություն է ներկայացրել: Այդ կապակցությամբ Իսրայելը պահանջում է ժամանակավորապես կասեցնել ձերբակալության հրամանագրերի կատարումը»,-ասվում է հայտարարության մեջ:
Իսրայելը անօրինական է համարում Նեթանյահուի և Գալանտի նկատմամբ ՄՔԴ-ի կողմից ձերբակալության օրդեր տրամադրելը։
