Լիբանանի բանակը ՄԱԿ-ի ժամանակավոր ուժերի հետ փոխգործակցությամբ սկսել է մեծ ուժեր կուտակել Լիտանիայի հարավային շրջաններում: Այս մասին, հիմնվելով զինվորական աղբյուրներին, հաղորդում են մերձավորարևելյան լրատվամիջոցները:
Ավելի վաղ Լիբանանի վարչապետ Նաջիբ Միքաթին հայտարարել էր, որ հրադադար հաստատելու վերաբերյալ Իսրայելի և «Հեզբոլահ»-ի միջև պայմանավորվածությունից հետո երկրի կառավարությունը որոշել է ընդլայնել հարավային շրջաններում լիբանանյան ուժերի ներկայությունը:
Իսրայելական բանակի ներկայացուցիչները այս վերատեղակայումների խորապատկերում հայտարարել են, որ հրադադարի խախտման դեպքում պատրաստ են վճռական գործել: Իսրայելցի զինվորականների և «Հեզբոլահ»-ի զինյալների միջև մարտական գործողությունները դադարեցվել են նոյեմբերի 27-ի առավոտյան։
