Պետական միջոցների ոչ ճիշտ կառավարումը «մոդայիկ» է դարձել այս իշխանությունների համար։ Իշխանության գրեթե բոլոր օղակները իրենց բարեկեցիկ առօրյան են ստեղծում, մոռանալով իրենց ոլորտի խնդիրները։
Տարբեր կառույցներ, իրար հերթ չտալով, ծառայողական մեքենաներն են թարմացնում, գնում թանկարժեք էլեկտրոմոբիլներ։
Սույն թվականի նոյեմբերի 14-ին «Սոլարավտո» ՍՊԸ-ի հետ պայմանագիր է կնքել «Սյունիքի մարզային նյարդահոգեբուժական դիսպանսեր» ՓԲԸ-ն, էլեկտրոմոբիլ ձեռք բերելու համար։
Պայմանագրում նշված է, որ «Սյունիքի մարզային նյարդահոգեբուժական դիսպանսեր» ՓԲԸ-ն 12 մլն 374 հազար դրամով «BYD yuan plus» մակնիշի մեքենա է ձեռք բերել։
Իհարկե պայմանագրում նշված չէ, որ այն ծառայելու է դիսպանսերում գրանցված հիվանդների համար, այլ ընդհակառակը՝ տնօրենին սպասարկելու համար։
Թե ինչու է հարկավոր էլեկտրոմոբիլ նյարդահոգեբուժական դիսպանսերի տնօրենին, այդպես էլ չի տեղավորվում նորմալ բանականության մեջ։
