ԱՄՆ նորընտիր նախագահ Դոնալդ Թրամփի անցումային թիմը չի հաստատել կամ հերքել տեղեկությունը, որ հանրապետականը զրույց է ունեցել ՌԴ նախագահ Վլադիմիր Պուտինի հետ, որի ընթացքում խնդրել է չսրել Ուկրաինայում հակամարտությունը։ Այս մասին հայտնում է Fox News-ը։
«Մենք չենք մեկնաբանում նախագահ Թրամփի մասնավոր զրույցները համաշխարհային այլ առաջնորդների հետ»,- ասվում է Թրամփի հաղորդակցության գծով տնօրեն Սթիվեն Չունգի հայտարարության մեջ։
Նա հիշեցրել է, որ Թրամփը վճռականորեն հաղթել է պատմական ընտրություններում, «և ամբողջ աշխարհի առաջնորդները գիտեն, որ Ամերիկան կվերագտնի իր կարևոր դերը համաշխարհային ասպարեզում»:
