«Նուբարաշեն» քրեակատարողական հիմնարկում տեսահսկման համակարգի միջոցով կանխվել է դատապարտյալին ենթադրյալ թմրամիջոց փոխանցելու փորձը։
ՔԿԾ-ի հաղորդմամբ՝ կարճատև տեսակցության եկած քաղաքացու կասկածելի վարքագիծը նկատելուց հետո ծառայողները նրան կրկնակի խուզարկության են ենթարկել։ Այդ ընթացքում քաղաքացին փորձել է թաքցրած երկու փաթեթ նետել հատակին։
Փաթեթներում հայտնաբերվել են թմրամիջոցին նմանվող բյուրեղանման և բուսական զանգվածներ։
Քաղաքացին ձերբակալվել է և հայտնաբերված նյութերի հետ ներկայացվել քննչական բաժին։
