Եվրոպական միության արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելն անդրադարձել է ՀՀ արտգործնախարար Արարատ Միրզոյանի հետ ունեցած հեռախոսազրույցին՝ ընդգծելով, որ Հարավային Կովկասում խաղաղությունը հանդիսանում է ընդհանուր նպատակ։«Արմենպրես»-ի փոխանցմամբ՝ այս մասին ԵՄ պաշտոնյան գրառում է կատարել X-ի իր միկրոբլոգում՝ նշելով, որ հեռախոսազրույցի ընթացքում անդրադարձ է կատարվել Հայաստան-ԵՄ հագեցած օրակարգին և այլ հարցերի։«Մեր հագեցած երկկողմ օրակարգի, Հայաստանի կայունությանն աջակցելու և Հայաստան-ԵՄ գործընկերության նոր ծրագրի մասին մտքերի արդյունավետ փոխանակում ունեցա Արարատ Միրզոյանի հետ։ Տարածաշրջանային հարցերի վերաբերյալ ես վերահաստատեցի աջակցությունը Հայաստան-Ադրբեջան կարգավորման գործընթացին. մեր ընդհանուր նպատակը կայուն խաղաղությունն է Հարավային Կովկասում»,- նշվում է Բորելի գրառման մեջ։
Մեր ընդհանուր նպատակը կայուն խաղաղությունն է Հարավային Կովկասում․ Ժոզեպ Բորելը հեռախոսազրույց է ունեցել Արարատ Միրզոյանի հետ
27.05 15:42 |
Կատեգորիա
Համաշխարհային
