ԱԺ-ում բյուջետային քննարկման ժամանակ էկոնոմիկայի նախարար Գևորգ Պապոյանը հայտարարեց, որ ՀՀ–ն ցորենի ներմուծման այլընտրանքային աղբյուրներ է դիտարկում։
«Քննարկում ենք մի քանի երկրի հետ, ընդ որում, ուղիղ ասում եմ, սա որևէ երկրի դեմ չէ։ Եթե մենք ներմուծեինք մեր ցորենի 99%-ը, պայմանական, Ռումինիայից, ես Ռուսաստանի հետ բանակցելու էի, որ ցորեն ներմուծեինք։ Սա շատ տրամաբանական գործընթաց է»,- ասաց Պապոյանը։
«Հայաստան» խմբակցության պատգամավոր Արթուր Խաչատրյանն արձագանքեց՝ ասելով․
«Այն, որ բյուջեի մեջ բրնձաբուծության համար մի լումա չեք նախատեսել, դա արդեն ցույց է տալիս ձեր նախարարության վերաբերմունքը բրինձ ուտելու առաջարկին»։
Նա առաջարկեց վերստեղծել գյուղնախարարություն, որը կզբաղվի գյուղատնտեսության զարգացմամբ։
