«Լելո — Ուժեղ Վրաստան» ընդդիմադիր կուսակցությունը պահանջում է վերանվանել Անակլիայի խորջրյա նավահանգիստը. ըստ նրանց՝ այն պետք է դառնա ԱՄՆ նախագահ Դոնալդ Թրամփի անվան նավահանգիստ։ Այս մասին հայտնում են վրացական լրատվամիջոցները։«Լելո»-ի գլխավոր քարտուղար Իրակլի Կուպրաձեն հայտարարել է, որ նավահանգիստը, որի բաժնետոմսերի 49%-ը պետք է ստանա չին-սինգապուրյան կոնսորցիումը, պետք է վերածվի դեպի արևմտյան աշխարհ «Թրամփի ուղու» (TRIPP) դարպասի, ինչը, ըստ նրա, Վրաստանին կբերի անվտանգություն, արևմտյան ներդրումներ և տնտեսական բարգավաճում։«Թրամփի երթուղին» (TRIPP) տրանսպորտային միջանցք է, որը Հայաստանի (Սյունիքի մարզ) տարածքով Ադրբեջանը կապում է Նախիջևանի հետ. այն համաձայնեցվել է 2025 թվականի օգոստոսին՝ ԱՄՆ նախագահ Դոնալդ Թրամփի մասնակցությամբ։ Խոսքը 40 կիլոմետրանոց հատվածի մասին է, որը ենթադրում է ճանապարհների ու ենթակառուցվածքների շինարարություն և գտնվելու է ԱՄՆ-ի ու Հայաստանի կառավարման ներքո։Իրակլի Կուպրաձեն նշել է, որ 2025 թվականի օգոստոսի 8-ին ԱՄՆ միջնորդությամբ Հայաստանի և Ադրբեջանի միջև ձեռք բերված համաձայնությունից հետո Կովկասում հայտնվել է «կարևորագույն միջազգային տարանցիկ երթուղի, որը ստացել է TRIPP անվանումը»։«Այս երթուղին չպետք է շրջանցի Վրաստանը, իսկ դրա իրականացումը հնարավոր է միայն Անակլիայի նավահանգստի կառուցման միջոցով, ինչը կդառնա «Թրամփի ուղու» տրամաբանական շարունակությունը»,- հայտարարել է նա։Կուսակցությունում կարծում են, որ Անակլիայի նավահանգիստը «մասշտաբային նախաձեռնություն է, որը լիովին համապատասխանում է ԱՄՆ-ի և նախագահ Թրամփի վարչակազմի հայտարարած ռազմավարական առաջնահերթություններին», ուստի այն պետք է իրականացնել, այլ ոչ թե դրա նմանակումը ստեղծել, նշել է Կուպրաձեն։
Վրաստանի ընդդիմությունը կոչ է արել իշխանություններին երկիրը ներառել «Թրամփի երթուղի» նախագծում
12.04.2026 18:49 |
Կատեգորիա
Մամուլ
