Մեծ Բրիտանիայի կառավարությունը հիասթափված է, որ Իսլամաբադում ԱՄՆ-ի և Իրանի միջև բանակցությունները ավարտվել են անարդյունք, Sky News-ին տված հարցազրույցում ասել է Մեծ Բրիտանիայի առողջապահության նախարար Ուես Սթրիթինգը։
«Հիասթափեցնող է, որ մենք դեռևս չենք տեսել առաջընթաց և Իրանում պատերազմի կայուն ավարտ», – ասել է նա։ Միևնույն ժամանակ, նախարարը հավելել է, որ հույս ունի շարունակել խաղաղ բանակցությունները։
«Չնայած այս բանակցությունները կարող են հաջող չլինել, դա չի նշանակում, որ մենք պետք է հրաժարվենք դրանք շարունակելու փորձերից», – ընդգծել է Սթրիթինգը։ Նա դարձել է բրիտանական կառավարության առաջին անդամը, որը մեկնաբանել է Իսլամաբադում կայացած բանակցությունները։
Ավելի վաղ ԱՄՆ փոխնախագահ Ջ.Դ. Վենսը Թեհրանի հետ խորհրդակցություններից հետո հայտարարել է, որ կողմերը չեն կարողացել համաձայնության գալ, և որ ամերիկյան պատվիրակությունը որոշել է մեկնել ԱՄՆ՝ վերջնական առաջարկով։
