ԱՄՆ նախագահ Դոնալդ Թրամփը հիշեցրել է, որ Իրանին վերջնաժամկետ է տվել գործարք կնքելու կամ Հորմուզի նեղուցը բացելու համար:
«Հիշում եք, թե ինչպես ես Իրանին 10 օր ժամանակ տվեցի գործարք կնքելու կամ Հորմուզի նեղուցը բացելու համար։ Ժամանակը սպառվում է. 48 ժամ է մնացել նրանց վրա իրական դժոխային հարվածից»,- նշել է Թրամփը:
ԱՄՆ նախագահն ավելի վաղ հայտարարել էր, որ ժամանակավորապես սահմանափակել է հարվածներն Իրանի էներգետիկ օբյեկտներին սկզբում հինգ, իսկ հետո՝ տասն օրով: Տասնօրյա ժամկետը լրանում է երկու օրից՝ ապրիլի 6-ին։ Թրամփի խոսքով՝ նման որոշում է կայացվել Թեհրանի հետ կառուցողական բանակցությունների ֆոնին։ Իրանի իշխանությունները հերքել են ուղղակի բանակցությունների փաստը։
