ՀՀ Ներքին գործերի նախարարության ոստիկանության Համայնքային ոստիկանության գլխավոր վարչության Չարենցավանի բաժնի ծառայողները, համագործակցելով ՀՀ Քննչական կոմիտեի Կոտայքի մարզային քննչական վարչության Չարենցավանի քննչական բաժնի քննիչների հետ, պարզել են երեկ՝ ապրիլի 1-ին, ժամը 16։20-ի սահմաններում Կոտայքի մարզի առաջին ատյանի ընդհանուր իրավասության Չարենցավանի դատարանում դատական նիստի ընդմիջման ժամանակ խմբակային խուլիգանություն և ծեծկռտուք կատարողների ինքնությունը։
«Պարզվել է, որ ոստիկանության Չարենցավանի բաժին են տեղափոխվել Աբովյան քաղաքի բնակիչ 37-ամյա Հայկ Պողոսյանը, Գառնի գյուղի բնակիչ 57-ամյա Ռոբերտ Պետրոսյանը, Աբովյան քաղաքի բնակիչ 31-ամյա Սերոբ Ղազարյանը, Աբովյան քաղաքի բնակիչ 56-ամյա Էդուարդ Հովհաննիսյանը, Աբովյան քաղաքի բնակիչ 50-ամյա Արմեն Զեյնալյանը, Աբովյան քաղաքի բնակիչ 24-ամյա Տարոն Ենգիբարյանը, Աբովյան քաղաքի բնակիչ 37-ամյա Էմիլ Զեյնալյանը, Աբովյան քաղաքի բնակիչ 42-ամյա Նարեկ Աբաջյանը, Աբովյան քաղաքի բնակիչ 22-ամյա Սարգիս Զեյնալյանը, Երևանի բնակիչ 27-ամյա Էդիկ Մեսրոպյանը, Աբովյան քաղաքի բնակիչ 45-ամյա Հովհաննես Զեյնալյանը, Աբովյան քաղաքի բնակիչ 30-ամյա Գրիգոր Սարգսյանը, Աբովյան քաղաքի բնակիչ 30-ամյա Աշոտ Հարությունյանը, Աբովյան քաղաքի բնակիչ 25-ամյա Հարություն Սարգսյանը, Աբովյան քաղաքի բնակիչ 26-ամյա Արման Մուրադյանը, Աբովյան քաղաքի բնակիչ 40-ամյա Իսրայել Զեյնալյանը, Աբովյան քաղաքի բնակիչ 40-ամյա Հովհաննես Մկրտչյանը, Հրազդան քաղաքի բնակիչ 32-ամյա Նարեկ Ումուրշատյանը, Երևանի բնակիչ 22-ամյա Մեսրոպ Սահակյանը, Աբովյան քաղաքի բնակիչ 28-ամյա Ռոբերտ Զեյնալյանը, Աբովյան քաղաքի բնակիչ 34-ամյա Նարեկ Հովհաննիսյանը, Աբովյան քաղաքի բնակիչ 47-ամյա Կարեն Զեյնալյանը, Աբովյան քաղաքի բնակիչ 38-ամյա Հայկ Պողոսյանը և Աբովյան քաղաքի բնակիչ 24-ամյա Զավեն Թովմասյանը։ Դեպքի փաստով Կոտայքի մարզային քննչական վարչությունում նախաձեռնվել է քրեական վարույթ՝ ՀՀ քրեական օրենսգրքի 297-րդ հոդվածի 2-րդ մասի 1-ին կետի և 162-րդ հոդվածի 2-րդ մասի 7-րդ կետի հատկանիշներով։
Ոստիկանության Չարենցավանի բաժին տեղափոխված անձանց մի մասին տեղափոխել են ՀՀ ՆԳՆ ոստիկանության Համայնքային ոստիկանության գլխավոր վարչության Հրազդանի, Նաիրիի, Աբովյանի, Սևանի և Աշտարակի բաժինների ձերբակալվածների պահման վայրեր։ Նախկինում հայտնել էինք, որ ապրիլի 1-ին, լարված իրավիճակ էր ստեղծվել Կոտայքի մարզի Չարենցավանի դատարանում։ Դատական նիստի ժամանակ ծեծկռտուք էր տեղի ունեցել ամբաստանյալի և տուժող կողմի հարազատների միջև, որը վերածվել էր իսկական մարտի, որի ժամանակ կոտրվել էր դատարանի գույքը, տուժել էին նաև դատական կարգադրիչներ, որոնցից մի քանիսը մարմնական վնասվածքներ էին ստացել»,-հայտնում է shamshyan.com-ը։
