Իրանի պետական հեռարձակողը հրապարակել է երկու արբանյակային լուսանկար, որոնք ցույց են տալիս ԱՄՆ ռազմաօդային ուժերի Boeing E-3 Sentry AWACS վաղ նախազգուշացման ինքնաթիռը իրանական հարձակումից առաջ և հետո։
«Սաուդյան Արաբիայում գտնվող ԱՄՆ ահաբեկչական բանակի «Արքայազն Սուլթան» ռազմաբազայում ոչնչացված E-3 Sentry AWACS ինքնաթիռի արբանյակային պատկերը», – ասվում է մակագրության մեջ։
Կիրակի օրը ավելի վաղ Իսլամական հեղափոխության պահապանների կորպուսի (ԻՀՊԿ) մամուլի ծառայությունը հայտնել էր, որ Սաուդյան Արաբիայում ԱՄՆ «Արքայազն Սուլթան» ավիաբազային հասցված հարվածի հետևանքով ԻՀՊԿ-ի ավիատիեզերական ուժերը ոչնչացրել են ամերիկյան E-3 վաղ նախազգուշացման և կառավարման ինքնաթիռ և զգալի վնաս են հասցրել մոտակա ինքնաթիռներին։
