ԱՄՆ-ի և Վենեսուելայի իշխանությունները քննարկում են Նիկոլաս Մադուրոյի օրոք արդյունաբերության նախկին նախարար Ալեքս Սաաբի հնարավոր արտահանձնման հարցը, հաղորդում է Bloomberg-ը՝ հղում անելով իր աղբյուրներին։ Ըստ նրանց աղբյուրների՝ Մայամիի դատախազները մեղադրանքներ են պատրաստում Սաաբի դեմ, ենթադրաբար՝ փողերի լվացման համար։
Ինչպես նշում է գործակալությունը, «անկախ նրանից՝ նրան կբերեն Միացյալ Նահանգներ, թե ոչ, ամերիկացի քննիչներին անհրաժեշտ է Սաաբի ցուցմունքը՝ Մադուրոյի դեմ իրենց գործը հիմնավորելու համար»։
Գործակալությունը գրում է, որ եթե Կարակասը Սաաբին հանձնի ԱՄՆ-ին, դա կլինի երկու երկրների միջև վերջին ժամանակների «իրավական համագործակցության ամենակարևոր օրինակը» և կարող է «նոր ճակատ» բացել առևանգված նախագահի գործընկերների դեմ հետաքննություններում։
