Այսօր սպանություն է տեղի ունեցել Շիրակի մարզի Արթիկ համայնքի Մեղրաշեն գյուղում։
Euromedia24.com-ի տեղեկություններով այսօր՝ նոյեմբերի 2-ին Ժ.19.21-ին ՀՀ ՆԳՆ ոստիկանության Շիրակի մարզի օպերատիվ կառավարման կենտրոնից հաղորդում է ստացվել, որ Գուրգեն Հարությունի Քերոբյանը 1996թ.ծնված, իր «Օպել» մեքենայով Մեղրաշեն գյուղից «Արթիկ Բ/Կ» բուժօգնության է տեղափոխել 1994 թվականին ծնված, Մեղրաշեն գյուղի բնակիչ Գևորգ Արտավազդի Գևորգյանին որտեղ վերջինիս մոտ ախտորոշվել է «կրծքավանդակի ձախ կեսի կտրած-ծակած վերք, կենսաբանական մահ»։
Արթիկի ոստիկանության պետ Ադամյանի գլխավորությամբ մեկնած օպերատիվ խումբը պարզել է, որ նույն օրը՝ ժ.19.00-ի սահմաններում Մեղրաշեն գյուղի 1-ին փողոցի ցայտաղբյուրի մոտ գտնվող զրուցարանում տեղի ունեցած վիճաբանության ժամանակ, Արգիշտի Սամսոնի Ավետիսյանը, ով տառապում է «շիզոֆեկտիվ խանգարում քրոնիկ հոգեկան հիվանդությամբ, կտրող ծակող գործիքով հարվածել է Գ.Գեվորգյանի թիկունքին:
Ա.Ավետիսյանը ձերբակալվել և ներկայացվել է Արթիկի և Անիի քննչական բաժին։
Վերջինիս անձնական խուզարկությամբ վերարկուի ձախ գրպանից հայտնաբերվել է ընդհանուր 18սմ երկարությամբ ծալովի դանակ:
Այս պահին Euromedia24.com-ի թղթակիցը այս պահին դեպքի վայրում է, որտեղ Արթիկի ոստիկանությունը հսկողություն է սահմանել դեպքի վայրում և իրականացնում է ուժեղացված ծառայություն։
