Գերմանիայի նախկին կանցլեր Անգելա Մերկելը պաշտոնը թողնելուց հետո առաջին անգամ մասնակցել է իր Քրիստոնեա-դեմոկրատական միության (ՔԴՄ) կուսակցության դաշնային համագումարին Շտուտգարտում: Միջոցառումը հեռարձակվում է NTV-ով։ Պատվիրակները նրան դիմավորել են հոտնկայս ծափահարություններով:
«Նախևառաջ, ես ողջունում եմ Գերմանիայի ՔԴՄ նախկին նախագահին, մեր երկարամյա կանցլեր Անգելա Մերկելին: Սիրելի՛ Անգելա, ողջույն»,- ասել է կառավարության ներկայիս ղեկավարը և ՔԴՄ նախագահ Ֆրիդրիխ Մերցը՝ բացելով համագումարը։ Մերկելը կանցլերի պաշտոնը զբաղեցրել է 2005-ից մինչև 2021 թվականը: Նա իր կուսակցական կարիերան սկսել է Մերցի հետ, որին կարողացել է հաղթել ներքաղաքական պայքարում: Մերցը վերադարձել է ակտիվ քաղաքականություն, երբ Մերկելը 2018 թվականին հայտարարեց իր հրաժարականի մասին:
Ինչպես նշում են գերմանական լրատվամիջոցները, երկու քաղաքական գործիչների միջև հարաբերությունները շարունակում են մնալ բարդ. Մերցը մերժել է իր նախորդի քաղաքական ժառանգության մի մասը, մինչդեռ նախկին կանցլերը պարբերաբար քննադատում է կառավարության ներկայիս ղեկավարին:
