Իրանի արտաքին գործերի նախարարության խոսնակ Իսմայիլ Բաղային հայտարարել է, որ ԱՄՆ-ն Իրանի հետ բանակցություններից առաջ հանդիպել է Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Գրոսիի հետ։
«Այսօր առավոտյան ամերիկյան կողմը բանակցություններ է վարել Օմանի արտաքին գործերի նախարարի և ԱԷՄԳ գլխավոր տնօրենի հետ։ Ամերիկյան կողմին է ներկայացվել Իրանի դիրքորոշումը միջուկային հարցի, պատժամիջոցների վերացման և ապագա համաձայնագրի շրջանակի վերաբերյալ», - ըստ իրանական IRNA լրատվական գործակալության՝ ասել է Բաղային։
Բանակցությունների նախօրեին իրանական աղբյուրը ՌԻԱ Նովոստիին հայտնել է, որ Թեհրանը ուրվագծել է ԱՄՆ-ի հետ բանակցությունների իր «կարմիր գծերը». երկխոսություն միայն միջուկային հարցերի շուրջ, Թեհրանը չի հրաժարվի ուրանի հարստացումից, իսկ տարածաշրջանային հարցերը և իրանական հրթիռները երկխոսության առարկա չեն։
Նա ընդգծել է, որ Թեհրանը պատրաստ է քննարկել ԱՄՆ առաջարկները միայն Իրանի միջուկային ծրագրին և Թեհրանի դեմ պատժամիջոցների վերացմանը վերաբերող հարցերի շրջանակներում։
