Օմանի արտգործնախարար Բադր ալ-Բուսաիդին Ժնևում հանդիպել է իր իրանցի գործընկեր Աբբաս Արաղչիի հետ՝ միջուկային հարցի շուրջ ԱՄՆ-ի հետ բանակցությունների նոր փուլի նախապատրաստման նպատակով, փետրվարի 16-ին հայտարարել է Օմանի արտգործնախարարությունը։
«Օմանի արտգործնախարար Բադր ալ-Բուսաիդին Ժնևում հանդիպել է Իրանի արտգործնախարար Աբբաս Արաղչիի հետ՝ Իրանի և ԱՄՆ-ի միջև վաղը նախատեսված մոտիկ բանակցությունների երկրորդ փուլի նախապատրաստման նպատակով»,-հաղորդել է Օմանի արտգործնախարարությունը։
Հայտարարության մեջ ընդգծվել է, որ նախարարները ընդգծել են «փոխադարձ հասկացողության և կոնսենսուսի հասնելու կարևորությունը՝ բոլոր կողմերի նպատակներին և ձգտումներին համապատասխանող համաձայնության հասնելու համար»։Հունվարի 26-ին Վաշինգտոնը հայտարարել է, որ «մեծ նավատորմ» է շարժվում դեպի Իրան։ Ամերիկյան կողմը հույս է հայտնել, որ Թեհրանը կնստի բանակցությունների սեղանի շուրջ և կհասնի «արդար և հավասար» համաձայնագրի՝ ներառյալ միջուկային զենքից լիակատար հրաժարումը։
ԱՄՆ-ը զգուշացրել է, որ «հաջորդ հարձակումը կլինի ավելի վատը»՝ նկատի ունենալով 2025 թվականի ամռանը Իսլամական Հանրապետության վրա հարվածները, և կոչ է արել «թույլ չտալ, որ դա տեղի ունենա»։
