Միացյալ Նահանգները ոչ մեկին չի պարտադրում Ուկրաինայի վերաբերյալ համաձայնագիր, այլ պարզապես օգնություն է առաջարկում հակամարտության կողմերին։ Այս մասին հայտարարել է ԱՄՆ պետքարտուղար և ազգային անվտանգության հարցերով խորհրդական Մարկո Ռուբիոն։
«Մենք միայն ձգտում ենք որոշակի դեր խաղալ, եթե հնարավոր է, համաձայնագրի հասնելու գործում։ Մենք չենք փորձում որևէ մեկին համաձայնագիր պարտադրել։ Մենք չենք փորձում որևէ մեկին ստիպել կնքել այնպիսի համաձայնագիր, որը նրանք չեն ցանկանում։
Մենք պարզապես ուզում ենք օգնել նրանց», - ասել է ԱՄՆ բարձրաստիճան դիվանագետը Հունգարիայի վարչապետ Վիկտոր Օրբանի հետ համատեղ մամուլի ասուլիսում։
